السلام عليكم جميعا : )
النهارده بنكمل رحلتنا الجميله جدا في معنى جديد لاسم من اسماء الله والحقيقه ان الاسم اللي هانتكلم عليه النهارده اسم يعمل دائما وفي كل لحظه في حياتنا الاسم دا لكل عبد من عباد الملتزم منهم والعاصي اسم بجد لو حسيته هيغير شكل حياتك تماما هايقلبها رأسا على عقب هايصحي جواك احاسيس يمكن نسيتهم من اهتمامك بالدنيا وماديتها ..عشان كدا يا جماعه بفكركم انت مش هاتطيع ربنا وتكون من الاتقياء الا لما تعرفه لازم تعرف اسماء الله وصفاته هو دا اصل الموضوع كل حاجه في الدين بتدور حوالين مركز هو معرفة الله بداية الدين ايه : لا اله الا الله طب وليه لا دين الا دين الاسلام مثلا لان هي الفكره كلها والهدف كله من كل اللي احنا بنعمله الله حتى اهل الجنه هيبقى قمة سعادتهم انهم يشوفوا مين ..الله تبارك وتعالى بس خلي بالك هما ليه عايزين يشوفوه عشان عرفوه اساس الدين معرفة الله عز وجل ..طيب خلينا نكمل رحلتنا مع الاسم (( الخامس))
اسم النهارده اسم الله (((الرقــــــــــيب)))
الحقيقه يا جماعه ان فيه ناس كتير فينا مسلمين مؤمنين بالله بناءا على معرفتهم ليه بالفطره كقدرته يعني مثلا ان الله هو خالق السموات والارض وان الله هو خالقنا وهو صاحب الفضل علينا وغير ذلك ..لكن قليل جدا منا هما اللي بيحسو معنى ان الله رقيب..بمعنى انهم بيعبدوا الله بدافع الحب مثلا حب الخير وحب الجنه وحب السلام بمعنى انه يكون عايش كدا مرتاح نفسيا انه بيعمل اللي عليه ..لكن في معنى اقوى المعنى دا لو عيشته هاتسبق الكثييييييير فاكرين موضوع (( الاخلاص)) اهو انت بقى لو عيشت بالاسم دا هاتعرف تجيب الاخلاص هاحكيلك حكايه وبعد كدا نتكلم عن معنى اسم الرقيب...
فيه قصة مشهورة ذكرها الإمام الرازي : أن أحد الشيوخ كان له عدد من التلاميذ ، وكان يخص واحداً منهم بالعناية الزائدة فَسَأله بقيةُ التلاميذ عن سبب ذلك من شدة غيرتهم من هذا التلميذ الصغير وقالوا له : لماذا تخصه بهذه العناية ؟ فقال سَأبيِّن لكم ذلك ؟ أعطى لِكل واحدٍ منهم طائراً وقال له : اذبح هذا الطائر حيث لا يراك أحد ؛ فمَضى كل واحدٍ منهم إلى جهةٍ ثم رجع إلى شيخه وقد ذبح الطائر ما عدا ذلك التلميذ الصغير فقد رجع إلى شيخه والطائر في يده ، وقال : أنت يا سيدي أمرتني أن أذبح الطائر حيث لا يراني أحد ولم أّجِد موضِعاً لم يرني الله فيه فالتفت الشيخ لِبقية التلاميذ وقال : مِن أجل هذا خصصته بِمزيدٍ من العناية
فهمت انا عايز اكلمك في ايه!! : ) طيب...
معنى الرقيب ..اسم الله الرقيب في اللغه: هو الذي يرى أحوال العباد ويعلم أقوالهم ؛ وقيل: الذي يراقب عباده ، ويُحصي أعمالهم، ويحيط بِمَكنونات سرائرهم ، ولا يغيب عنه شيء .
الله هو الرقيب الذي لا يخفى عنه خافيه كل همسه ..كل غمزه..كل نظره..كل حركه.. كل سكنه..كل عمل سيء ..كل عمل طيب..حتى ما بداخلك من افكار ونوايا الله مراقبها!!!
قال تعالى: ياأيها الناس اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء واتقوا الله الذي تساءلون به والأرحام إن الله كان عليكم رقيبا
يُروى أن عبد الله بن عمر مرَّ بِغلام يرعى غنماً فأشار لإحدى الشياه وقال : بِعني هذه الشاة يا غلام اتبتاعني هذه الشاه ، فأجاب الغلام : إنها ليست لي . فقال ابن عمر : قل لصاحب الغنم إن الذئب أكل واحدةً منها ، فقال الغلام : فأين الله ؟ فبكي عبد الله ابن عمر قال نعم!! واين الله : (
وانت يا اخويا وانتي يا اختي واين الله؟!!! : (
البنت اللي بتعمل شات مع ولاد ولما حد يسألها تقول دول زي اخواتي وانا بستفيد منهم في حجات دا كلام ممكن تخدعي بيه الناس لكن ..واين الله!!!
الولد اللي بيغلق الباب على نفسه ويشوف افلام خارجه او مواقع خارجه من اجل شهوه خلي بالك انت ممكن تستخبي من كل الناس الا ربنا الله رقيب خلي بالك انت متراقب ..قال تعالى((
البنت اللي بتقفل على نفسها الباب عشان تكلم ولد من ورا اهلها وتكون بكدا يتخون ابوها وامها اختي واين الله : (
قال تعالى( يَسْتَخْفُونَ مِنَ النَّاسِ وَلاَ يَسْتَخْفُونَ مِنَ اللّهِ وَهُوَ مَعَهُمْ إِذْ يُبَيِّتُونَ مَا لاَ يَرْضَى مِنَ الْقَوْلِ وَكَانَ اللّهُ بِمَا يَعْمَلُونَ مُحِيطًا )
وقيـــــل
ما احلم الله عني حيث امهلني * وقد تماديت في ذنبي ويسترني
تمر ساعات ايام بلا نـــــــــــــــــدم * ولا بكاء ولاخوف ولا حزني
انا الذي اغلق الابواب مجتهدا* على المعاصي وعين الله تنظرني
يا زلة كتبت في غفلة ذهبت * يا حسرة بقيت في القلب تحرقني
الموظف اللي بياخد رشوه ويسميها شاي او حلوان او هدية ويعطيها اسامي تانيه تخلي شكلها حلو انت ممكن تضحك على الناس بس خلي الله رقيب..فأين الله ..
البنت اللي بتتكلم على اخت مسمله لها في ظهرها وتقول عليها كلام تؤذيها بيه خلي بالك يا اختي واين الله ..
الولد اللي بيقعد ينصح في الناس ويحاول يحسسهم انه في قمة التدين وهو كل ما يخلو بالله في مكان يعصيه خلي بالك يا اخويا واين الله !!!
البنت اللي لابسه النقاب او الخمار وبتقف مع اصحابها الصبيان في الجامعه وهي عارفه ان ما ينفعش البنت تقف مع ولد في الجامعه وتضحك على الناس وتقولهم دول زي اخواتي يعينوني على الطاعه انت ممكن تخدعي الناس بكلامك الجميل دا ..لكن واين الله!!!
البنات اللي بيضيفوا صبيان عندهم على الفيس بوك بحجة انهم بيتكلموا على العام بس وبعد كدا الشيطان يجرهم ويجرهم لحد ما يتكلموا مع بعض لوحدهم وتقولك اصل بينصحني بنصايح تقربني لربنا ممكن تخدعينا بكلامك دا لكن واين الله!!!
الطبيب اللي ما بيراعيش ربنا في مرضاه ويعطيهم الوقت الكافي لسماع شكواهم عشان يخلص اكتر عدد من المرضى في اليوم ويلم فلوس اكتر لكن يا اخويا اين الله!!!!
المهندس اللي بيبني مبنى ويحاول يوفر في مواد البناء عشان يكون بكدا بيحصل على مناقصه المبني بسهوله اخي واين الله!!!
أما تستحي منا ويكفيك ما جرى ؟ أما تختشي من عُتْبنا يوم جمْعِنا
أما آن أن تقلِع عن الذنب راجِعاً وتنظر ما به جاء وَعْدنا
فَيا خجلي منه إذا هو قال لي : أيا عبدنا ما قرأت كِتابنا ؟
الحقيقه يا جماعه ان الايات كثيره في هذا الموضوع لكن سنرد بعضها..
قال تعالى )) وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيد))
تخيل الرقيب اقرب ليك من حبل الوريد ويبقى اللي جنبك مش سامع افكارك لكن الرقيب سامع وشايف يقول تعالى ))ألم يعلم بأن الله يرى(( انت مش عارف ياخويا ان ربنا شايفك!!! انتي مش عارفه ان ربنا سامعك!!!
وفي ايه تانيه يقول (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))
كل كلمه حرام كل خلي بالك الرقيب بيسجلها يارتى كام كلمه حرام متسجلالك ياترى اد ايه هي ممكن تؤثر على اخرتك اصل خلي بالك رب كلمه يقولها الرجل لا يلقي لها بالا تهوي به في الدرك الاسفل من النار..اللي بيسب الدين لما بيغصب ..اللي بيشتم في الصحابه .. اللي بيكدب على الله ورسوله.. اللي بتكلم ولد بتلين الكلام للولاد في طريقة كلامها خلي بالك الرقيب مش هايسيبك
الانسان اللي بيفعل فعل مشين ولو دخل عليه حد من الناس يتخض ..واين الله!! قال تعالى:((وتخشى الناس والله أحق أن تخشاه))
دا حتى السر الله يعلمه اسمعه وهو بيقولك (( وان تجهر بالقول فانة يعلم السر واخفى)) افكارك نواياك والله يا جماعه ممكن تبقى نايم او نايمه على سريرك وناوي تصحى بكره تعمل الذنب الفلاني ومحدش يعرف السر ولا يسمع السر دا بس الرقيب هو الوحيد اللي يعرفه
عشان كدا محتاجين ديما بالله عليكوا قبل ما تناموا ديما توبوا اللي الله من كل ذنب واقلعوا عنه واندموا وديما قبل ما تنام قول لنفسك الله مراقبني الله مطلع عليا الله يشهد عليا
والايه: ((يعلم خائنة الأعين وما تخفي الصدور)) الشاب اللي بيمشي في الشارع يطلق البصر على كل بنت خلي بالك الله رقيب والمشكله ان فيه منهم ناس بتدعي التدين انت بتخبي على مين ياخويا على الله البنت اللي بتدعي التدين ولابسه نقاب او خمار او حجاب ومع ذلك بتطلق البصر خلي بالك الله رقيب
تسمع عن كاميرات المراقبه!! تعرف تعيش وانت حاسس ان فيه كاميرات مرقبه على سلوكياتك تعرف تعيش الاحساس دا!!.. اصل خلي بالك دا اللي بيحصل فعلا!! ايوه والله بس بشكل انت مش حاسه اوي !! طب اسمع الايه دي كدا قال تعالى(( هذا كتابنا ينطق عليكم بالحق إنا كنا نستنسخ ما كنتم تعملون)) .. ويقول ((يومئذ تعرضون لا تخفى منكم خافية )) خلي بالك الموضوع مش هايكون مكتوب دا المشكله ان هايكون متشاف صوت وصوره!! زي السنيما انت متخيل!! وتيجي ادام ابوك وامك واخواتك والناس اللي تعرفهم واللي كانوا بيحترموك وانت متلبس بالذنب الفلاني تخيل!!الا اذا انت توبت من الذنب طبعا فيمحى..ياترى كام ذنب عملته ونسيته وهايعرض زي فيلم السنيما على رؤوس الخلائك واللي اهم من كدا ان العظيم ملك الملوك هايطلع عليه ياترى احساسك ايه يا ترى هاتندم ادي ايه يا ترى هاتحس بعذاب اد ايه!!! اهو بالظبط انت عايز ديما تحس الاحساس دا انك متراقب.. متراقب في كل شيء همساتك..نظراتك ..حركاتك..سكناتك.. معاصيك وطاعاتك..
بس خلو بالكوا الكلام للطائعين اسم الله الرقيب معى كل الناس الله يا مؤمن يراقبك في صلاتك ويفرح بها وصيامك وتبقى انت صايم وكل الناس متعرفش بس الرقيب عارف اللي لبست النقاب او الخمار او الحجاب الشرعي عشان ربنا يفرح بيها الرقيب شايفك وفرحان بيكي الرقيب معاك في قيام الليل والناس نايمه الرقيب معاك وانت تقرأ القرءان بقلبك في خشوع مش منظر بس : )
عـــــــــارف
في ايام لرفعة الاسلام كان فيه واحد ملتزم بس كل شويه يغلط ويتوب يغلط ويتوب فراح لعالم من العلماء الاجلاء في هذا الزمان
قالوا : قل لي في نفسي قولا يا شيخ اخذ به ..قال : اذا اويت كل يوم فقل لنفسك الله راقبي الله شاهدي الله مطلع علي وعاش على كدا السنين واتغيرت شكل حياته تماما وبقى ملتزم جدا لانه كل يوم كان بيفكر نفسه بالمعنى ..عارفين الشاب دا مين؟!! الشاب دا السلطان قطز اللي مات شهيد مات على حسن خاتمه لانه اخلص للرقيب : )
الرقـــــــــــــــــــــــــــــيب يا جماعه الرقيب ..عيش بأسم الله الرقيب يغير معنى حياتك ينقلك ويعملك نقله تحوليه في حياتك تماما اللي عايز يتوب بجد من اي معصيه او من كل معاصيه الاسم دا هو محور حياته الملتزم اللي بيحاول يكون اكثر التزاما الاسم دا يرفعه درجات كتير ويجبله الاخلاص ..عيش بأسم الله الرقيب خليه نقطة تحول بالله عليك من النهارده فاكر الذنب الفلاني من النهارده مش هاتعمله وهاتجاهد نفسك فيه عشان الرقيب مطلع عليك وانت بتستحي من الرقيب ..فاكر الطاعه الفلانيه اعملها بقى من النهارده وانت فرحان ان الرقيب كدا شايفك وانت بتعملها وتخيل فرحه بيك ..اذا اتنفست نفس افتكر الرقيب ..اذا شربت كوب ماء ..سمي الله وافتكر انه الرقيب ..اذا أتأخرت عن عملك قبل ما تعتذر للمدير اعتذر للرقيب..عيش بالمعنى دا وهاتشوف في خلال شهور ايه اللي هيحصلك واد ايه حياتك هاتتغير : )
لا تنسوني من دعائكم بالله عليكم ادعو لي بالاخـــــــــــــــــــــــلاص
منقـــــــــــــــــــــــــــــــــــــــــــــول
