عمرك شفت بلد تعليمها بايظ ومضروب بالنار ويطلع منها كل العلماء المصريين الى فى العالم كله وانجازاتهم فى كل مكان ؟؟!!!
طيب عمرك شفت بلد كان مشايخها بيتحاربوا فى كل مكان ومضيق عليهم وفى نفس الوقت تلاقي لهم التاثير الاكبر فى العالم الاسلامى؟؟!!!
طب عمرك شفت بلد مليانه تلوث وبلى أزرق وبرضه الناس بتجلها من كل حتة فى العالم وبيقولوا عليها أم الدنيا ؟؟!!!
طب عمرك شفت بلد ناسها فى عز الغم والضرب والثورة فى قلب الميدان كانوا بيغنوا وكاتبين تعليقات تهلّك م الضحك ؟؟!!!
طب عمرك شفت بلد رغم اللى فيها من قلق مفيش رئيس ولا مجلس شعب ولا شورى
والمصالحة الفلسطينية متمّتش إلا فيها وميتبدلش الأسرى إلا برعايتها ؟؟!!!
مش بقولك اطمّن .. دا بس شوية قلق .. حلاوة روح مش أكتر .. علشان تتبنى
على نضافة .. وساعتها هتتفرّج على أم الدنيا وهى منوّرة الدنيا ..
والله ما تقلق دى مذكورة فى القرآن مصر قلب العالم الذى ينبض
فَلَمَّا دَخَلُواْ عَلَى يُوسُفَ آوَى إِلَيْهِ أَبَوَيْهِ وَقَالَ ادْخُلُواْ مِصْرَ إِن شَاء اللّهُ آمِنِينَ
